Pantun Betawi Part 4

Author: peperonity.com

Job Vacancy, Indonesia Job, Job Indonesia, Job

Naek bajaj muter2 muter ..bajajnye bajuri
Nylonong ke jalan protokol di tilang ame pak polisi
Di taun kebo kite kudu banyak deketin kiyai
Cari bekel buat nanti kite sangu mati

Banjirnye langganan gak surut surut
Udah capek deh ngungsi ke kelurahan
Makan nasi bantuan jadi sakit perut
Laper deh mending puase dapet ganjaran

Bau kentut sungguh sangat menyesakan
Gak bisa kentut bikin kite jadi kerepotan
Kalo buang kentut mbok jangan buat mainan
Kecuali emang gak tahan sampai kebablasan

WIL katenye wanita idaman lain
PIL katenye pria idaman lain
Pusing mikirin yang lain lain
Mending relax rodongan kain

Buah manggis buah mentimun
Dirujak ame jande mude
Emang kagak enak duduk melamun
Gimane kalo kite becande

Pulomas tempat pacuan kude
Rawamangun buat balap sepede
Buat pantunan nungguin sore
Sambil ngaso ngilangin rase cape

Main golf di rawamangun
Pulangnye ke utankayu
Kalo mandi pakailah sabun
Badanye bersih rupanye anggun

Dari kwitang terus ke gondangdia
Jalannye lewatin patung pak tani
Badannye kurus bukan karena dia
Lupakan aje yang kagak berarti